(तेज वली)
दाङ तुलसीपुर ईलाका प्रहरी कार्यालय तुलसीपुरले मोबाईल चोरी गरेको आरोपमा तुलसीपुरबाट ५ जनालाई नियन्त्रणमा लिएको छ । तुलसीपुर–घोराही सडक खण्डको ग्वारखोला पुलबाट हिड्दा हिड्दै मोबाईल लुटेर भाग्ने तुलसीपुर–९ बेलुवा निबासी १९ बर्षका सन्तोष भुसाल र २० बर्षका कासीराम भुसालाई पक्राउ गरेको हो ।
मोटरसाईकलमा आएका आरोपीले तुलसीपुर उपमहानगरपालिका–४ निबासी १८ बर्षका भिमबहादुर पौडेलको मोबाईल बिहान ५ बजे लुटेर भागेका थिए । उनिहरुलाई हिजो तुलसीपुरको बसपार्कबाट पक्राउ गरेको ईलाका प्रहरी कार्यालय तुलसीपुरका ईन्चार्ज डिएसपी शिव बहादुर सिंहले जानकारी दिनुभयो ।
त्यसैगरी कार्तिक १६ गते तुलसीपुर–८ कृष्णमदिर निबासी जितबहादुर रोकाको मोबाईल चोरी गरेको आरोपमा सोही ठाउँका तारा पुन, पोषण खड्का र सन्दिप नेपाली पक्राउ परेका छन् । उनिहरुलाई कल डिटेलका आधारमा पक्राउ गरेको डिएसपी सिंहले जानकारी दिनुभयो ।
