(ABC क्राईमबिट)
सिरहा जिल्लाको गोलबजार नगरपालिका ६ स्थित गोलबजारबाट नक्कली नोट छाप्दै गरेको अवस्थामा तीन जनालाई सशस्त्र प्रहरीले रंगेहात पक्राउ गरेको छ।पक्राउ पर्नेहरुमा सिरहाको कल्याणपुर नगरपालिका ७ बस्ने २४ वर्षीय बिमलेन्द्र कुमार नायक, गोलबजार नगरपालिका १२ बस्ने २५ वर्षीय धिरज यादब र २० वर्षीय सन्जे राय छन्। विशेष सुचनाको आधारमा नक्कली नोट छाप्ने कार्य गरीरहेको थाहा पाएपछि सशस्त्र प्रहरी बल, नेपाल सुरक्षा वेश क्याम्प गोलबजारबाट खटिएको एपीएफ टोलीले उनीहरुलाई पक्राउ गरेको हो। केही दिन अघि देखि सो ठाउँमा डेरागरी बसेका उनीहरुलाई नक्कली नोट छापिरहेको अबस्थामा फेला पारिएको एपीएफले जनाएको छ। एपीएफ टोलीले एक हजारको नक्कली नेपालि नोट ६ लाख ८४ हजार,HP कम्पनीको ल्यापटप थान-१,कयानन कम्पनीको प्रिन्टर थान-१ ,प्लाष्टिकको फोल्डिङग सानो टेबल थान-१,स्केल स्टिलको थान-३,कैची थान-२,मोटरसाईकल थान-१ सहित पक्राउ परेकाहरुलाई आवश्यक कारवाहीको लागि ईलाका प्रहरी कार्यलय गोलबजारमा बुझाएका छन्।

सम्बन्धित

सशस्त्र प्रहरीले स्रोत नखुलेको २ लाख रुपैयाँसहित २ जना भारतीय पक्राउ

नेकपा र कांग्रेस कार्यकर्ताबीच झडप वडाध्यक्षसहित ३ जना प्रहरी घाइते

प्रतिनिधिसभा पुनःस्थापना हुन्छ भन्ने भ्रममा नपर्नुस् : प्रधानमन्त्री ओली

काठमाडौं भक्तपुरबाट २४ जना जुवाडे पक्राउ

ललितपुरको चाँगाथलीमा श्रीमान र श्रीमती घरभित्रै मृत अबस्थामा फेला

साझ र बिहान छक तार्न सडक छैउमा ब्यापार गर्नेहरुमाथि नगर प्रहरीको दमन