(तेज वली)
दाङ तुलसीपुर स्थित राप्ती शान्ति उद्यानमा निर्मित बुद्धको मुर्तिको आज अनावरण गरिएको छ । तुलसीपुर उपमहानगरपालिका वडा नम्बर ४ मा निर्माण गरिएको उक्त मूर्तीको आज लुम्बनी प्रदेशका मुख्यमन्त्री शंकर पोख्रेलले अनावरण गर्नुभएको हो ।
फाइबरबाट निर्मित वुद्धको मूर्ति बनाउन २४ लाख १६ हजार रुपैयाँ लागेको राप्ती शान्ती उद्यान व्यवस्थापन समितिका अध्यक्ष डिल्लीराज भण्डारीले जानकारी दिनुभयो । मूर्ति निर्माणका लागि प्रदेश सरकार र तुलसीपुर उपमहानगरपालिकाले आर्थिक सहयोग गरेका थिए ।
शान्तिको सन्देश दिन स्थापना गरिएको राप्ती शान्ति उद्यानमा शान्तिका प्रतिक वुद्धको मूर्ति राखिएको हो । उक्त मूर्ति १७ फिट अग्लो रहेको छ ।