ABC (क्राईमबिट)
राती जिल्ला चितवन भरतपुर महानगरपालिका वडा नं.९ काँडाघारी स्थितमा रहेको एपोलो पेन्ट्स प्रा.लि.को कार्यालय भवनको कोठा भित्र रहेको सेफ (लकर) फुटाई नगद चोरी भएको भन्ने सुचना मिति २०७७/०७/२८ गते १५:०० बजे प्राप्त हुना साथ तत्काल प्रहरी टोली खटी गई अनुसन्धान गर्दा सोही एपोलो पेन्ट्स कम्पनीमा सेक्युरिटी गार्डको रूपमा कार्यरत जिल्ला चितवन कालिका नगरपालिका वडा नं.६ बस्ने बर्ष ४० को कबिराज थापालाई नियन्त्रणमा लिई सोधपुछ गर्दा निजले चोरी गरेको खुल्न आइ लुकाई छिपाई राखेको अवस्थामा रू १०००/- दरको नोट १ बण्डलमा १००/- थान रहेका ९७ बण्डल कुल जम्मा नगद रू ९७,००,०००/-(सन्तानब्बे लाख) र चोरी गर्न प्रयोग गरेको औजार समेत वरामद गरी निज कविराज थापालाई पक्राउ गरी चोरी कसुर अन्तरगत थप अनुसन्धान भइरहेको ।
