ABC (क्राईमबिट)
दाङका एक प्रहरी जवानको कोहलपुरमा मृत्यु भएको छ । डिउटीको क्रममा एक्कासी चक्कर लाग्यो भनेर थचक्क भूँइमा बसेका ईलाका प्रहरी कार्यालय हापुरेमा कार्यरत प्रहरी जवानको उपचारको क्रममा मृत्यु भएको छ ।
कार्तिक २७ गते बिहान डिउटीमा रहेका बेला एक्कासी चक्कर लाग्यो भनेका प्रहरी जवान जगत बहादुर खत्रीलाई उपचारका लागि तुलसीपुर, घोराही हुँदै कोहलपुर लगिएको थियो ।
प्रहरी जवान खत्रीको उपचारका क्रममा आज बिहान मृत्यु भएको जिल्ला प्रहरी कार्यालय दाङका प्रहरी प्रमुख एसपी गणेश चंन्दले जानकारी दिए । विगत एक बर्षदेखि ईप्रका हापुरेमा कार्यरत प्रहरी जवान खत्रीले गाडी चलाउने काम गर्थे ।
‘डिउटीमा बसेका खत्री रेष्टरुममा जानेबेला चक्कर लाग्यो भनेर थचक्क बसेछन् । त्यसपछि उनलाई उपचारका लागि तुलसीपुर लगियो । अलि ठिक भएपछि हापुरेमा ल्याईयो –ईलाका प्रहरी कार्यालय खिलतपुरका इन्चार्ज मोहन विक्रम केसीले भने भोलीपल्ट फेरी त्यस्तै भएपछि उनलाई उपचारका लागि कोहलपुर लगिएको थियो ।
