तुल्सीपुर दुर्घटनामा गम्भिर घाइते भएकी संचारकर्मी मनिषाको मृत्यु

प्रकशित मिति : १ मंसिर २०७७, सोमबार १९:३५

(तेज वली)
दाङ तुलसीपुर सवारी दुर्घटनामा गम्भिर घाइते भएकी संचारकर्मी तुलसीपुर उपमहानगरपालिका–१९ बिजौरी निबासी २२ बर्षकी मनिषा लामीछानेको मृत्यु भएको छ । मनिषाको उपचारको क्रममा कोहलपुरमा साढे चार बजे मृत्यु भएको ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिंहले जानकारी दिनुभएको छ ।
घाइते मनिषाका दाइको भने कोहलपुरमै उपचार भइरहेको छ । तुलसीपुरको गुल्मजाने चोकमा दिउसो साढे एक बजे रा १ प ६७२१ नम्बरको मोटरसाईकललाई स्कारपियोले ठक्कर दिदा मोटरसाईकल चालक २४ बर्षका बिराज लामीछाने र उनकी बहिनी मनिषा घाइते भएका थिए । मनिषा रेडियो हाम्रो पहुँच एफएममा प्राविधिक सहायकका रुपमा कार्यरत थिइन् ।

प्रकशित मिति : १ मंसिर २०७७, सोमबार १९:३५