(सागर थापा) दाङ राष्ट्रिय जनमोर्चाका कार्यवकारी अध्यक्ष रस्मिराज नेपालीले संघीयता नेपाल र नेपालीको लागि आबस्यक प्रणाली नभएको हुदा त्यसलाइ खारेज गरि त्यहा लाग्ने खर्च कोरोनाको उपचारमा लगाउन सरकार शीत माग गर्नु भएको छ । राष्ट्रिय जनमोर्चा जिल्ला समिति दाङ देउखुरी ले संघीयता खारेज गरियोस, कोरोना भाइरस विरुद्ध प्रभाबकारी कदल चालियोस, भ्रष्टाचारको अन्त्य गरीयोस , भन्ने मुल नाराका साथ घोराहीको तुलसीपुर चोकमा आयोजना गरेको बिरोध सभामा लाई सम्बोधन गर्दै नेपालीले उक्त माग गर्नु भएको हो । राष्ट्रिय जनमोर्चा ले देश ब्यापी आयोजना गरेको कार्यक्रम अन्तर्गत उक्त कार्यक्रम भएको हो । पार्टीका जिल्ला अध्यक्ष गणेश आचार्यको अध्यक्षतामा भएको कार्यक्रममा जातीय समता समाजका केन्द्रिय उपाध्यक्ष तथा जिल्ला अध्यक्ष टीका बिक , अखिल नेपाल जनजाति सम्मेलनका केन्द्रिय सदस्य तथा जिल्ला अध्यक्ष रामबहादुर जि एम, अखिल नेपाल महिला संघ केन्द्रिय सदस्य तथा जिल्ला अध्यक्ष पुर्णिामा आचार्य लगायतले मन्तव्य राख्नु भएको थियोे । कार्यक्रममा राष्ट्रिय जनमोर्चा लुम्बिनी प्रदेश सचिबालय सदस्य रेशम बि सि ले कबिता बाचन गर्नु भएको थियोे । कार्यक्रम को संचालन जिल्ला सह सचिब ऋषिराम पौडेल ले गर्नु भएको थियोे ।