(राजन थारू)
कंचनपुर । नेपाली सेनाको सैन्य दर्जाको परीक्षा दिइरहेका नक्कली परीक्षार्थी पक्राउ परेका छन्। जिल्ला प्रहरी कार्यालय कञ्चनपुरले लोक सेवा आयोगले लिँदै गरेको नेपाली सेनाको सैन्य दर्जाको परीक्षामा अर्कै व्यक्तिको नाममा परीक्षा दिइरहेका एक व्यक्तिलाई नियन्त्रणमा लिएको जानकारी दिएको छ।
गत शुक्रबार दिउँसो १ बजेदेखि ३ बजेर १५ बजेसम्म नेपाली सेनाको सैन्य दर्जाका लागि लिखित परीक्षा भएको थियो। भीमदत्त नगरपालिका वडा नम्बर ४ मा रहेको कञ्चन विद्या मन्दिर परीक्षा केन्द्रमा अर्कै व्यक्तिको नाममा परीक्षा दिइरहेको आरोपमा डोटी सायल गाउँपालिका वडा नम्बर ६ का २२ वर्षिय सुमन खड्कालाई प्रहरीले नियन्त्रणमा लिएको छ। उनले बझाङ दुर्गाथली गाउँपालिका वडा नम्बर ४ का २२ वर्षिय मुकेश भण्डारीको नाममा परीक्षा दिइरहेकोले पक्राउ गरिएको प्रहरीले जनाएको छ।
प्रहरीले वास्तविक परीक्षार्थी भण्डारीलाई पनि नियन्त्रणमा लिइसकेको छ। ‘अर्काको परीक्षा दिने र दिन लगाउने दुवैलाई कानुनअनुसार कारवाही गरिने भएको छ।रासस
काठमाडौंमा प्रचण्ड र माधव पक्षको मसला जुलुस
पाटेबाघलाई कारले ठक्कर दिने चालक धरौटीमा रिहा
चितवन प्रहरीले एकै दिन २५ जना फरार अभियुक्तहरु पक्राउ
नेकपा विप्लवद्वारा माघ १० गते नेपाल बन्दको घोषणा
पुल निर्माणको लागि तातोपानी नाका २० दिनका लागि बन्द
झापाका १५ वटै स्थानीय तह झलमल बल्न समृद्ध बन्दै