(सागर थापा)
दाङ। राप्ती गाउँपालिकामा अनुदानको मल विक्रि वितरणको लागी सहकारी र कार्यक्षेत्र तोकिएको छ । कृषि तथा पशुपन्छी विकास मन्त्रालय सिंहदरवार काठमाण्डौको र कृषि ज्ञान केद्र घोराहीको परिपत्र अनुसार मल वितरण गर्ने वारेमा भएको निवेदन माथि मापडण्ड पुगे नपुगेको आधारमा अनुगमन गर्दा ८ ओटा सहकारी मार्फत विक्रि वितरण गर्न छनौट गरिएको कृषि विकास अधिकृत महेश अधिकारीले जानकारी दिनु भएको छ ।
राप्ती गाउँपालिका भित्र रहेका सहकारीहरु छनौट गरी अनुदानको रासायनिक मल विक्रि वितरणको लागी कार्यक्षेत्र समेत तोकिएको छ । अनुदानको मल विक्रि वितरणको लागी सहकारी र कार्यक्षेत्र तोकिए बमोजिममा काम गर्न सेवाग्राहिको सुविधाको लागि देउकी कृषि सहकारी संस्थाले विभिन्न वडाबाट मल विरण गर्ने भएको छ ।
नेपाल सरकारद्धारा अनुदानमा उपलब्ध हुने रासायनिक मल राप्ती गाउँपालिका भित्रका कृषकहरुलाई कार्यालयबाट छनौट भएका सहकारीहरुको विक्री मुल्य सम्बन्धित कम्पनीबाट उपलब्ध हुने मुल्यमा लोड अनलोड वापत प्रति बोरा ५० के.जि. को रु १४ र ढुवानी खर्च र व्यवस्थापन खर्च वापत प्रति बोरा ५० के.जी. को रु ५० र गरी प्रति बोरा एकमुस्ठ .६४ मात्र थप गरि विक्रि मुल्य निर्धारण गर्नु गर्ने बताईएको छ ।
