प्रकशित मिति : १० जेष्ठ २०७५, बिहीबार १५:००

सागर रिजाल
प्युठान, १० जेठ ।
नेपाली कांग्रेसका केन्द्रिय सदस्य धनराज गुरुङले नेपालको राजनीति बदल्न नेताहरु बदलिनु पर्ने बताउनु भएको छ ।
नेपाल प्रेस युनियनले बिहीबार प्युठानको बिजुवारमा आयोजना गरेको पत्रकार भेटघाटमा नेता गुरुङले राजनीति रुपान्तरण गर्न राजनीतिक नेतृत्व रुपान्तरण हुनुपर्ने बताउनु भयो ।
राजनीतिमा सुशासन नभएको उहाँले बताउनुभयो ।उहाँले भन्नुभयो, काग झै कराएर सुशासन आउदैन ।
नेपाल कम्युनिस्ट पार्टीका नेताहरुले देशलाई आर्थिक समृद्धिमा डोर्‍याउने भनिरहेका बेला कांग्रेस नेता गुरुङले भन्नुभयो, ‘पार्टी एकीकरणले मात्र मुलुक बन्दैन । यो केवल सत्ताको जोड घटाउ हो ।’
नेपाली राजनीतिमा नैतिकता, सुशासन हराएको बताउँदै उहाँले राज्यसत्ता परिवर्तन भए पनि नेताहरु परिवर्तन नभएको टिप्पणी गर्नुभयो । नेताहरुको स्वार्थी बन्दा जनताले सुशासनको पनि अनुभूति गर्न नपाएको उहाँको भनाई छ । एमाले र माओबादीको एकता पछि अहिलेको अबस्थामा नेपाली काङ्ग्रेसले सरकारलाई रचनात्मक आधारमा अगाडी बढेको बताउनुभयो ।उहाँले भन्नुभयो,सत्ता बाहिर रहदा नेपाली काङ्ग्रेसले राम्रो कामलाई समर्थन र नराम्रो कामलाई बिरोध गर्छ ।नेपालका नेताहरु बदलिन सकेनौं ,नेताहरु परिवर्तन हुनुपर्छ ।नेता परिबर्तन भए मात्र मुलुक समृद्ध हुन्छ ।
नेपाल सरकार भारती सरकार सङ्ग लमपसार परेको समेत उहाँको भनाई छ । संघीय संरचनामा गए पनि नेपाली कांग्रेस अझै पुरानै संरचनाअनुसार चलिरहेको भन्दै उहाँले पार्टीको विधान संशोधनमा जोड दिनुभयो । सरकारले गर्ने राम्रो काममा सहयोग गर्दै कांग्रेसले सशक्त प्रतिपक्षीको भूमिका निर्वाह गर्ने उहाँले बताउनुभयाे ।
नेपाल प्रेस युनियन प्युठानका अध्यक्ष श्रीराम भण्डारीकाे अध्यक्षतामा भएको पत्रकार भेटघाट कार्यक्रममा जिल्ला स्थित पत्रकारहरुको उपस्थिति रहेको थियो ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

9847845918

Copyright © 2015-2020 AbcSanchar.com