प्रकशित मिति : २० मंसिर २०७७, शनिबार ०७:५४

(सागर थापा)
घोराही उपमहानगरपालिकाका नगर प्रहरी प्रमुख पक्राउ परेका छन्। उनलाई प्रहरीले गए राति पक्राउ गरेको हो। पसलमा ढुंगा हानेको आरोपमा प्रहरीले नगर प्रहरी प्रमुख रूद्रप्रसाद पन्थीलाई पक्राउ गरेको छ।
मादक पदार्थ सेवन गरी पसलमा ढुंगा हानेपछि पन्थीलाई नियन्त्रणमा लिइएको जिल्ला प्रहरी कार्यालय दाङका प्रहरी प्रमुख एसपी गणेश चन्दले बताउनुभयो।
पन्थीले बेलुकी १० बजेतिर घोराही शहिद गेट नजिकैको शर्मा मोबाइल पसलमा ढुंगा हानेको प्रहरीको भनाइ छ।
पन्थीले हानेको ढुंगा लागेर मोबाइल पसल सञ्चालकको टाउकोमा चोट लागेको छ।
‘उहाँले अत्याधिक मदिरा सेवन गरी मोबाइल पसलमा चुरोट माग्न जानु भएको रहेछ। एसपी चंन्दले बताए । पसलेले यहाँ चुरोट पाइँदैन भनेपछि नगर प्रमुख पन्थीले ढुंगा टिपेर हानेका हुन् ।’
पन्थीले आफू नगर प्रहरी प्रमुख रहेको समेत मोबाइल पसल सञ्चालकलाई बताएको प्रहरीले जनाएको छ।
प्रहरीले घटनाबारे अनुसन्धान थालेको छ। आवश्यक सोधपुछका लागि मोबाइल पसल सञ्चालकलाई जिप्रका बोलाएको र नगर प्रहरी प्रमुख हुन् भनेर जोगाउने कुरै आउँदैन गल्ती गरेको पाइएमा कानुन अनुसार कारवाही गरिन्छ। पन्थी हाल जिल्ला प्रहरी कार्यालय दाङको नियन्त्रणमा छन्।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

प्रधान/सम्पादक नुकेन्द्र प्रताप सिंह
सम्पर्क 9848262615/9847845918
email- [email protected]

Copyright © 2015-2022 AbcSanchar.com