(सागर थापा) दाङ लुम्बिनी प्रदेश प्रहरी कार्यालय तुल्सीपुरका अनुसार गढवा गाउँपालिका वडा नं. १ जुरौनी स्थित गफुर मियाको घरबाट ३० ग्राम लागुऔषध ब्राउन सुगर सहित ६ जनालाई पक्राउ गरेको छ ।
लुम्बिनी प्रदेश प्रहरी कार्यालय तुलसीपुरका प्रहरी वरिष्ठ उपरिक्षक एसएसपी राजकुमार बैदवारका अनुसार पक्राउ पर्नेमा राप्ती गाउँपालिका वडा नं. ९ देवीकोट निवासी ३७ वर्षिय सङसुलहक मिया, प्युठान सरुमारानी राप्ती गाउँपालिका वडा नं. १ बाङ्गेसाल निवासी ३० वर्षिय ईसादिन मिया, सोही ठाउँ निवासी २८ वर्षिय अजित मिया, सोही वडा माझेलाठी निवासी २३ वर्षिय रबिन नेपाली, साथै बाङ्गेसाल निवासी २४ वर्षिय ईदिस मिया र गढवा गाउँपालिका वडा नं.१ जुरौनी निवासी ३२ वर्षिय गफुर मियालाई आइतबार साढे ८ बजेतिर पक्राउ गरेको छ । ईलाका प्रहरी कार्यालय गढवा दाङबाट थप अनुसन्धान भई रहेको एसएसपी बैदाबारले जानकारी दिनुभएको छ ।
