प्रकशित मिति : २३ मंसिर २०७७, मंगलवार १६:०७

(सागर थापा)
दाङ । घोराही लमही सडक खण्ड जोखिम बन्दै र दुर्घटनाको खतरा संकेत घोराही देखि अर्जुन खोलासम्मको २३ किलो मिटरको सडक खण्डमा बनेका खाल्टा खुल्टीले सावारी दुर्घटना बढाइरहेको छ । घोराही लमही सडकखण्ड अन्तर्गतको घोराहीदेखि अर्जुन खोलासम्मको सडकको अवस्था झन झनै निकै जोखिम छ । घोराही उपमहानगरलाई जोड्ने उत्त सडक खण्डका ठाउँ ठाउँमा साना–ठूला खाल्टा खुल्टी बनेका छन् । मर्मत सम्भारमा ढिलाई कारण सडकको खाल्टा खुल्टीहरु समयमै पुरिएका छैनन् । यसले सवारी दुर्घटनाको जोखिम बढेको छ ।
सवारी दुर्घटनाको कारण चालकको लापरवाही पहिलो हो भने सडकको अवस्था दोस्रो । जिल्लामा अहिलेसम्म भएका सडक दुर्घटनका प्रकृति हेर्दा चालक मात्रै दोषी छैनन्, साघुरा र जिर्ण बनेका सडक पनि उतिकै दोषी छन् ।
जिल्ला ट्राफिक प्रहरी कार्यालय दाङका ट्राफिक प्रमुख थम्मन जिसीले सवारी दुर्घटनाको कारण मध्ये एक सडकको अवस्था पनि रहेको बताउनुहुन्छ । साघुरा र जिर्ण सडक दुर्घटनाको कारक हुन्’ उहाँले भन्नुभयो ‘समयमै मर्मत नहुँदा बनेका खाल्डा खुल्डीले दुर्घटनाको जोखिम बढाएको छ । चारलेन सडक विस्तारका लागि निर्माणधीन अवस्थामा रहेको उत्त सडकखण्ड जोखिम र जिर्ण बनेको कारण यात्रा गर्ने नागरिकहरुले सास्ती भोग्नु परेको छ । जिर्ण बनेका सडकमा कतै खाल्डा खुल्डी छन् भने कतै धुल्याम्य छन् । यता सडक बिभाग कार्यालय घोराही दाङका कार्यालय प्रमुख निरज साक्यले घोराही लमही सडक खण्डको तत्काल निर्माणको लागि टेन्डर आह्वान गरेको र एक महिना भित्र सडकहरु मर्मत गर्ने बताए ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com