(सागर थापा)
दाङ । मापदण्ड विपरित सञ्चालनमा रहेका दाङका दश वटा बालुवा प्रशोधन उद्योग बन्द भएका छन् । जिल्लामा अनुगमन गर्दा बालुवा प्रशोधनको अनुमति लिएर क्रसर उद्योग सञ्चालन गरेको पाइएपछि बन्द गरिएको जिल्ला प्रशासन कार्यालय दाङले अनुगमन पश्चात प्रमुख जिल्ला अधिकारी जयनारायण आचार्यले मापदण्ड विपरितका सञ्चालनमा रहेका उद्योगलाई १५ दिन भित्र बन्द गर्न निर्देशन दिनुभएको थियो ।
जिल्ला अनुगमन समितिले गत कात्तिक अन्तिम सातामादेखि मंसीर पहिलो सातासम्म अनुगमन गरी गत मंसीर ६ गते पत्रकार सम्मेलन गदै ती उद्योगलाई बन्द गर्न निर्देशन दिइएको जानकारी गराएको थियो । सोहि अनुसार उनीहरुले उद्योग बन्द गरेको आफूलाई जानकारी आएको प्रमुख जिल्ला अधिकारी आचार्यले बताउनुभयो । बालुवा उद्योगहरुले आफूलाई सम्पर्क गरी बन्द गरेको जानकारी गराएको र अब ती उद्योग बन्द भएका छन् की छैनन् भनेर बास्तविक पत्ता लगाउन अनुगमन गर्न बाँकी रहेको उहाले बताउनुभयो ।
मापदण्ड विपरित सञ्चालित तुलसीपुर क्षेत्रमा रहेको स्वर्गद्वारी स्क्रिन प्लान्ट प्रालि, जनविश्वास बालुवा वासिङ उद्योग, गणेश बालुवा वासिङ उद्योग, के एण्ड एस बालुवा प्रशोधन वासिङ उद्योग, मंगलम् बालुवा प्रशोधन उद्योग बन्द भएका छन् । यस्तै, लमही क्षेत्रको पाण्डवेश्वर बालुवा वासिङ उद्योग, बगारवावा बालुवा प्रशोधन उद्योग, सतवरिया क्षेत्रमा रहेको जय बागेश्वरी बालुवा प्रशोधन उद्योग, गढवामा रहेको दाङ एग्रिगेट बालुवा वासिङ उद्योग र पूर्णागिरी एग्रिगेट बालुवा वासिङ उद्योग पनि बन्द भएको जनाईएको छ ।

सम्बन्धित

बाघको त्रासमा मध्यवर्ती क्षेत्रका बासिन्दा जंगलमा घास दाउरा गर्न जन पनि डर

आईजिपी सिंहको निर्देशन अपराध अनुसन्धानमा संबेदनशिल भई पारदर्शी रुपमा काम गर्न

सहरी विकास मन्त्रालयमा गाभ्ने निर्णयको विरुद्धमा कर्मचारीद्वारा विरोध प्रदर्शन

सशस्त्र प्रहरी आईजिपी राजु अर्यालद्वारा बाहिनी र मातहत इकाईहरुको निरीक्षण

सुदूरपश्चिम ट्राफिक प्रहरीद्वारा साढे ५ करोडको राजस्व संंकल

दाङ प्रहरीले पुरुषहरूलाई माया जालमा पारेर पैसा असुल्ने महिलाहरुको गिरोह पक्राउ