ABC (क्राईमबिट)
काठमाडौ । प्रहरी महानिरीक्षक (आईजीपी) शैलेश थापा क्षेत्रीको उपस्थितिमा नेपाल प्रहरी कार्ययोजना-२०७७ को चौमासिक प्रगति समीक्षा कार्यक्रम सम्पन्न भएको छ ।
महानगरीय प्रहरी कार्यालय रानीपोखरी तथा भिडियो कन्फेरेन्सद्वारा ७ वटै प्रदेश प्रहरी कार्यालयका प्रमुखहरु तथा उपस्थित प्रहरी कर्मचारीहरुको सहभागितमा प्रहरी प्रधान कार्यालयमा शुक्रबार उक्त समीक्षा कार्यक्रम सम्पन्न गरिएको हो ।
उक्त अवसरमा आईजीपी थापाले यस समीक्षा कार्यक्रमलाई सकारात्मक रुपमा लिनुपर्ने उल्लेख गर्दै यस्तो क्रियाकलापले संगठनको सुपरिवेक्षण र अनुगमनलाई थप सुदृढ गर्ने विश्वास व्यक्त गरे ।
कार्यक्रममा ७ वटै प्रदेश प्रहरी कार्यालयका प्रमुखहरु तथा महानगरीय प्रहरी कार्यालय रानीपोखरीका प्रहरी उपरीक्षकले नेपाल प्रहरी कार्ययोजना २०७७ को चौमासिक कार्य प्रगति प्रस्तुतीकरण गरेका थिए ।
उक्त अवसरमा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, वरिष्ठ प्रहरी अधिकृतहरु लगायत प्रहरी अधिकृत तथा प्रहरी जवानको उपस्थिति रहेको थियो ।रासस

सम्बन्धित

नेपालगन्ज सामुदायिक सेवा केन्द्र अध्यक्षमा दिपेन्द्र जोशी चयन

चोरी शिकारी रोक्न नेपाली सेनाको ‘अप्रेसन ७ महिनामा १५ जना पक्राउ

माघ ९ गते राजधानीमा प्रचण्ड-माधव पक्षको माघ जनप्रदर्शन

काङ्ग्रेस हल्दिवारीको सिटी जुलुस तथा बिरोध प्रदर्शन

राष्ट्रिय अनुसन्धानका सहायक सूचक हत्याको अनुसन्धानको लागि १५ पक्राउ

तुलसीपुरमा अटाे रिक्सामा कडा निगरानी कार्वाही गर्न DSP:सिंह सडकमा