(ABC Sanchar)
काठमाडौं । पूर्वप्रधानमन्त्री डा.बाबुराम भट्टराईले विप्लव नेतृत्वको नेकपाको कमजोरी फाइदा सरकारले लिनसक्ने भन्दै विप्लव समूहलाई गलत नीति फेर्न आग्रह गरेका छन्। साथै राज्यलाई सार्थक वार्ताका लागि आग्रह समेत गरेका छन्।
हालै मोरङमा आफ्नो पार्टीको सुराकीका लागि परिचालित रहेको आरोपमा राजेन्द्र श्रेष्ठमाथि सो समूहले ‘कारवाही’ गरेको थियो। ‘प्रतिकार’का क्रममा उनको ज्यान गएको विप्लव समूहको दाबी छ।
डा.भट्टराईले उक्त घटनबारे टिप्पणी गर्दै यसले राज्यलाई थप हिंसा मच्चाउन सहयोग पुग्ने भन्दै विप्लव समूहलाई सच्चिन आग्रह गरेका छन्।
केपी शर्मा अोली नेतृत्वको सरकारले यसअघि विप्लव समूहमाथि प्रतिबन्ध लगाउँदै उसका कार्यकर्ताको हत्या गरेको थियो।
भोजपुरमा राजू घिमिरे, सर्लाहीमा पार्टी इन्चार्ज कुमार पौडेल लगायतको निर्मम ढंगले सरकारले हत्या गरेको थियो। विप्लवको पछिल्लो घटनाले राज्यलाई त्यस्तो गतिविधि गर्न बल पुयाउँने बाबुरामको भनाई छ।