ABC (क्राईमबिट)
मोरङ । २१ वर्षीया युवतीलाई बलात्कार गरेको घटनामा पीडित पक्षलाई नगद ५ लाख रुपैयाँ दिई मिलापत्र गराउने कार्यमा संलग्न रहेको अभियोगमा ६ जनालाई प्रहरीले पक्राउ गरेको छ ।
पक्राउ पर्नेहरुमा धनपालथान गाउँपालिका-५ बस्ने ६५ वर्षीय धनेशु खवास, ५३ वर्षीय सुधार सिंह खवास, ६२ वर्षीय मागन खवास, ६२ वर्षीय कलकनु खवास, रंगेली नगरपालिका-१ बस्ने ६७ वर्षीय जगत नारायण खवास र बेलबारी नगरपालिका-८ बस्ने ५३ वर्षीय मथालु खवास रहेका छन् ।
२०७७ भदौ २४ गते साँझ धनपालथान गाउँपालिका-५ स्थित धान खेतमा मल छर्ने क्रममा बेलबारी नगरपालिका-८ बस्ने ३२ वर्षीय सुरेश कुमार खवासले ती युवतीलाई एक्लै पारी बलात्कार गरी फरार रहेका अभियुक्त सुरेशलाई ईलाका प्रहरी कार्यालय रंगेलीबाट खटिएको प्रहरीले मङ्सिर १९ गते रंगेली नगरपालिका-७ रंगेली बजारबाट पक्राउ गरेको थियो ।
थप अनुसन्धान गर्ने क्रममा उक्त घटना गाउँघरमा पीडित पक्षलाई उक्त नगद दिई मिलापत्र गराएको खुल्न आएपश्चात उनीहरुलाई मिलापत्र कागज सहित आ-आफ्नै घरबाट पक्राउ गरेको हो ।
यस सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ । रासस

सम्बन्धित

सशस्त्र प्रहरीका १६ जना डीएसपी एसपीमा बढुवा सिफारिस

राष्ट्रिय जनमोर्चा दाङले घर घरमा वाडमा सभा टोल समिती गठन गर्दै

लुम्बिनी प्रदेश ट्राफिकको नयाँ अभियान टिप्परलाई टाईमकार्ड लागु

पुलको उट्घाट्न गर्न माघ १२ गते प्रधानमन्त्री वली : दाङ आउने

नेपाल पत्रकार महासङ्घको केन्द्रीय साधारणसभा फागुनमा हुने

बैशाख १७ र २७ गते निर्वाचनको तयारीमा आयोग: ८ अर्ब खर्च लाग्ने अनुमान