ABC (क्राईमबिट)
मोरङ । भारतबाट अवैध रूपमा भन्सार छली नेपाल ल्याइएको २४६० किलो चिनी र एक ट्रयाक्टर प्रहरीले बरामद गरेको छ ।
बिशेष सूचनाको आधारमा सोमबार साँझ जिल्ला प्रहरी कार्यालय मोरङबाट खटिएको प्रहरी टोलीले अन्दाजी १ लाख ४७ हजार रुपैयाँ बराबरको चिनी सहित रङगेली नगरपालिका-१ का २१ बर्षीय अभिषेक कुमार साह, धनपालथान गाउँपालिका-१ का १७ बर्षीय दिपक कुमार मण्डल, १८ बर्षीय अर्जुन कुमार मण्डल र १९ बर्षीय रुपेश मण्डललाई निजहरुले चिनी ओसार पसार गर्न प्रयोग भएको को १८ प ५७४३, को २२ प १६४४ र को ११ प ६६५९ नम्बरको मोटरसाइकल सहित पक्राउ गरेको हो ।
यसैगरी सुनवर्सी नगरपालिका-७ बाट अवैध रुपमा चोरी पैठारी गरी ल्याउदै गरेको अन्दाजी १६ लाख मुल्य बराबरको ON TEST ट्रयाक्टर बरामद भएको छ । प्रहरी चौकी बरडंगाबाट खटिएको प्रहरी टोलीले सोमबार राती ट्रयाक्टर नियन्त्रणमा लिएको हो ।
बरामद भएको चिनी तथा ट्याक्टर समेत आवश्यक कारवाहीको लागि मूल भन्सार कार्यालय रानी, विराटनगरमा बुझाएको जनाइएको छ ।
