डिउटीमा खटिएको प्रहरीमाथि हातपात गर्ने दुई जना पक्राउ

प्रकशित मिति : १ पुष २०७७, बुधबार २०:३४

ABC (क्राईमबिट)
काठमाडौं । भक्तपुर नगरपालिका-९ च्यामासिंह सूर्यमढीस्थित डिउटीमा खटिएको प्रहरीमाथि दुर्व्यवहार तथा हातपात गर्ने २ जनालाई सोमबार राति प्रहरीले पक्राउ गरेको छ ।

पक्राउ पर्नेहरुमा भक्तपुर नगरपालिका-९ च्यामासिंह सूर्यमढी बस्ने ३२ वर्षीय विजय नकर्मी र सोही ठाउँ बस्ने १९ वर्षीय रितिक प्रजापती रहेका छन् ।

उक्त स्थानमा सोही ठाउँ बस्ने गिता कोजुको मोबाईल हराएको भन्ने खबर प्राप्त हुनासाथ खटिएको प्रहरीले मोबाइल खोजी सोही ठाउँस्थित पाटीमा फेला पारी सम्बन्धित धनिलाई बुझाएपश्चात विजय र रितिकले प्रहरीलाई एक्कासी हातपात एवं दुर्व्यवहार गरेपश्चात उनीहरुलाई पक्राउ गरेको हो ।

प्रकशित मिति : १ पुष २०७७, बुधबार २०:३४