१९ फाल्गुण २०८०, शनिबार
02-03-2024 , Sat
×

अटो रिक्सा दुर्घटना हुँदा दुईजनाको मृत्यु,चारजना घाइते

Logo
प्रकाशित शनिबार, पुष ०४, २०७७

 

(बिपु खत्री)
तम्घास । गुल्मीमा अटो–रिक्सा दुर्घटना हुँदा दुईको जनाको मृत्यु भएको छ भने चार जना घाइते भएका छन् । गुल्मीदरवार गाउँपालिका गैडाकोटबाट गएराति करिब नौ बजेतिर तम्घास तर्फ आउँदै गरेको लु १ ह २७४३ नम्बरको अटो भगारीमा दुर्घटना हुँदा गम्भीर घाइते भएका रेसुंगा नगरपालिका वडा नं १२ का ३० बर्षका चालक तेजबहादुर रानाको गुल्मी अस्पतालमा उपचारका क्रममा मृत्यु भएको सशस्त्र प्रहरी बल गुल्म गुल्मीका प्रहरी नायब उपरीक्षक अशोककुमार लम्सालले जानकारी दिनुभयो । अर्का घाइते रेसंङगा २ का १८ बर्षका सुरज परियारको उपचारको क्रममा लुम्बिनी मेडिकल कलेज प्रभास पाल्पामा शनिबार विहान करिब ११ बजे मृत्यु भएको जिल्ला प्रहरी कार्यालय गुल्मीले जनाएको छ ।
यस्तै अटो–रिक्सामा सवार रेसंगा नगरपालिका १२ का २७ वर्षका रमेश खत्री, रेसुंगा नगरपालिका २ का १६ वर्षका रोशन परियार, १७ वर्षका सुनिल बिक घाइते भएका छन् ।
दुर्घटनामा गम्भीर घाइते भएका सुनिलको लुम्बिनी मेडिकल कलेज प्रभास पाल्पामा उपचार भइरहेको जिल्ला प्रहरी कार्यालय गुल्मीले जनाएको छ । अन्य दुई जनाको गुल्मी अस्पतालमा उपचार भइरहेकोे छ । अटो–रिक्सा सडकदेखि करिब दुई सय मिटर तल खसेको थियो । घटनाको बारेमा थप अनुसन्धान भइरहेको प्रहरीले जनाएको छ ।रासस

कमेन्ट गर्नुहोस्
सम्बन्धित

(एबिसि संचार )                                                           तनहुँको आँबुखैरेनी गाउँपालिका–१ गिरौनचोरमा जन्ती बोकेको जीप दुर्घटना हुँदा दुई जनाको मृत्यु भएको छ ।सोमबार बिहान बरादी–हिलेखर्कस्थित भित्री सडकखण्डमा जन्ती लिएर गइरहेको बा१८च ५९२१ […]

(एबिसि संचार )                                         पृथ्वीराजमार्गअन्तर्गत तनहुँको आँबुखैरेनी गाउँपालिका–२ नारीघाटमा गएराति भएको जीप दुर्घटनामा एक जनाको मृत्यु भएको छ भने सातजना घाइते भएका छन् । डुम्रेबाट आँबुखैरेनी जाँदै गरेको बा१६च ४९१८ नम्बरको बोलेरो जीप अनियन्त्रित भई सडकछेउमा पल्टिँदा […]

पृथ्वी राजमार्गअन्तर्गत धादिङको बेनिघाट रोराङ गाउँपालिका–३ हिलटप मोडमा बस र ट्रक एकापसमा ठोक्किँदा २० जना घाइते भएका छन् । घाइतेमध्ये तीनजनाको अवस्था गम्भीर छ । काठमाडौँबाट तीर्थयात्री बोकेर चितवनतर्फ गइरहेको बस र विपरीत दिशाबाट आइरहेको ट्रक हिलटप मोडमा आज बिहान ठोक्किँदा जिल्ला प्रहरी कार्यालय धादिङका प्रहरी नायब उपरीक्षक सन्तुलालप्रसाद जैसवारले जानकारी दिए ।