(महेन्द्र सिंह)
बाँके । राप्तिसोनारी गाउँपालिकामा हतियारले आक्रमण गरि करिब ३ लाख ३४ हजार रुपैया लुटपाट गरिएको छ । राप्तिसोनारी गाउँपालिका वडा नं. ९ एवान कटेज नजिक खोलको टिप शुल्क काटेर घर फर्कदै गरेका सोही वडाका रिमबहादुर वली माथी धारीलो हतियारले प्रहार गरि उनीसंग भएको रुपैया लुटपाट भएको हो । लुटेरा समुह भे५ प ६५८६ र भे७ प ५२२५ नम्बरमा आई रिम बहादुर वलीलाई घेराउ गरि उनीहरु संग भएको धारिलो हतियार को पछिल्लो भागले प्रहार गरी हात खुट्टाले हानी घाईते बनाई आफुसंग भएको रकम लगि फरार रहेको उनले प्रहरी समक्ष दिएको जाहेरीमा उल्लेख गरिएको छ ।
उनलाई आक्रमण गर्ने ९ जनाका बिरुद्धमा इलाका प्रहरी कार्यालयमा मुद्दा दर्ता गराएको रिमबहादुर वलीलदे बताए । उनलाई आक्रमण गर्नेमा राप्तिसोनारी गाउँपालिकामा कार्यरत स्वास्थ्यका कर्मचारी मनोज वली पनि रहेको रिमबहादुरले बताए । रकम लुटपाट गर्ने ब्यक्तिहरुको खोजि कार्य भैरहेका इलाका प्रहरी कार्यालय कोहलपुरका प्रहरी प्रमुख डिएसपी कुलदिप चंन्दले जानकारी दिनुभएको छ ।
