पोखरीमा डुबेर बालिकाको मृत्यु, एक बेवारिसे पुरुषको शव भेटियो

राघवेन्द्र चौबे ,पकडी (कपिलवस्तु )कपिलवस्तुको कपिलवस्तु नगरपालिकामा नुहाउने क्रममा पोखरीमा डुबेर एक बालिकाको मृत्यु भएको छ। कपिलवस्तु नगरपालिका-३ शुक्ररामपुर वस्ने राम कोहारकी छोरी वर्ष १२ की राधा आफ्नै घर नजिकैको पोखरीमा नुहाउने क्रममा पानीमा डुबेर अचेत भएकी थिइन्। उनलाई जिल्ला अस्पताल तौलिहवा लगिएकोमा उपचारको क्रममा शनिबार मृत्यु भएको प्रहरीले जनाएको छ।शव पोस्टमार्टम गरी परिवारको जिम्मा लगाइएको जिल्ला प्रहरी कार्यालयकपिलवस्तुले जनाएको छ। यसैगरि कपिलवस्तुको बुद्धभूमि नगरपालिकामा एक पुरुष मृत अवस्थामा फेला परेका छन्। बुद्धभूमि नगरपालिका-२ गोरुसिंगे बजारस्थित नारायण ज्ञवालीको घरनजिकै नामथर नखुलेका वर्ष ६० का एक पुरुष मृत अवस्थामा फेला परेका जिल्लाप्रहरी कार्यालय कपिलवस्तुले जनाएको छ।