(सागर थापा)
दाङ । भालुवाङ राप्ती गाउँपालिका लालमटिया स्वास्थ्य चौकीमा स्वास्थ्य सेवा बिहीबारबाट विस्तार भएको छ । राप्ती गाउँपालिकाले निक साईमन्स ईन्टिच्युट ललितपुरको सहकार्यमा एमबिबीएस चिकित्सकसहितको प्राबिधिक सेवा सुरु गरेको छ ।
विगतमा एकजना मात्रै चिकित्सक रहेकोमा अबदेखि एक जना ल्याव टेक्निसियन, एकजना फार्मेसी सहायक , एकजना स्टाप नर्स थप गरिको छ । अब स्वास्थ्य चौकीमा भिडियो एक्सरे सेवा, ईसिजी सेवा सुरु गरिएको छ ।
छिटै डिजीटल ऐक्सरे सेवा समेत सुरु गरिएको राप्ती गाउँपालिका वडा नम्बर १ का तारा बहादुर डिसीले जानकारी दिए । हाल दूईवटा भवनबाट सेवा भइरहेको छ । अबदेखि स्वास्थ्य चौकीमा आगामी दिनमा नयाँ स्वास्थ्य सेवासुविधा सहितको सेवा प्रदान गर्नको लागि प्रदेश सरकार तथा संघीय सरकार संग समन्वय भइरहेको अध्यक्ष डिसीले बताए ।
स्वास्थ्य चौकी ब्यवस्थापन समितिका अध्यक्ष तथा राप्ती गाउँपालिका वडा नं १ का वडा अध्यक्ष डिसीले चौकीको स्तरउन्नती गर्न अति आवश्यक रहेको बताए । सो अवसरमा निक साईमन्सका सिनियर चिकित्सक मदन श्रेष्ठ, ल्याव टेक्निसीएन अमित सुवेदी, फार्मेसी सहायक मेघराज पाण्डे र स्टाफ नर्स श्रृजना गुरुङलाई स्वागत गरिएको थियो ।
