ABC (क्राईमबिट)
काठमाडौं । महानगरीय प्रहरी परिसर काठमाडौंले नेता तथा न्यायाधीशको नाम लिएर करोडौं ठगी गर्दै आएका सहदेव कक्षपतिलाई पक्राउ गरेको छ । कक्षपतिले विभिन्न व्यक्तिलाई जग्गा, मुद्दामामिलाका विषयमा मिलाइदिने भन्दै ठगी गर्दै आएको प्रहरीले जनाएको छ । काठमाडौंका प्रहरी प्रमुख एसएसपी अशोक सिंहले कक्षपतिलाई ठगी आरोपमा पक्राउ गरिएको जानकारी दिए । ‘कक्षपतिविरुद्ध चेक अनादर मुद्दा जिल्ला अदालत काठमाडौंमा परेको रहेछ । अदालतले उनलाई ३ महिना कैद र ३ हजार रुपैयाँ जरिवाना फैसला गरेको थियो । उक्त फैसला कार्यान्वयनको क्रममा कक्षपतिलाई पक्राउ गरिएको हो,’ उनले भने ।
कक्षपति कांग्रेसका नेता विजयकुमार गच्छदार निकट मान्निछन् । गच्छदारलाई उनले भिनाजु सम्बोधन गर्दै आएका छन् । यही आडमा कक्षपतिले वर्षौंदेखि ठगीधन्दा चलाएको प्रहरीले जनाएको छ । फर्दाफासबाट
