(ABC Sanchar)
काठमाडौं । राष्ट्रपति विद्यादेवी भण्डारीले संघीय संसदको माथिल्लो सदन (राष्ट्रि सभा)को अधिवेशन आह्वान गरेकी छन् ।
प्रधानमन्त्री केपी शर्मा ओलीको सिफारिसमा तल्लो सदन (प्रतिनिधि सभा) विघटन गरेको १ हप्तापछि राष्ट्रपति भण्डारीले राष्ट्रिय सभाको अधिवेशन आह्वान गरेकी हुन् ।
राष्ट्रपति भण्डारीले पुस १७ गते दिनको ४ बजेका लागि राष्ट्रिय सभाको अधिवेशन आह्वान गरेकी हुन् । राष्ट्रपति कार्यालयका सहायक प्रवक्ता केशव प्रसाद घिघिरेले नेपालको संविधानको धारा ९३ को उपधारा (१) बमोजिम राष्ट्रपति भण्डारीले अधिवेशन आह्वान गरेकी जनाएका छन् । राष्ट्रपति भण्डारीले गत आइतबार (पुस ५) गते प्रधानमन्त्री ओलीको सिफारिसमा संघीय संसदको तल्लो सदन (प्रतिनिधि सभा) विघटनको घोषणा गरेकी थिइन् ।
राष्ट्रपति भण्डारीले प्रतिनिधि सभा विघटन गरेपछि देशको राजनीतिक अवस्था भने तरल बनेको छ । संविधान विद्हरुले असंवैधानिक भनेको प्रतिनिधि सभा विघटनको विरुद्धमा राजनीतिक दलहरु समेत आन्दोलनमा उत्रिएका छन् ।
राष्ट्रपतिले प्रतिनिधि सभा विघटन गरेपछि सत्तारुढ दल नेपाल कम्युनिस्ट पार्टी (नेकपा) विभाजित नै भएको छ ।रासस

सम्बन्धित

सशस्त्र प्रहरीले स्रोत नखुलेको २ लाख रुपैयाँसहित २ जना भारतीय पक्राउ

नेकपा र कांग्रेस कार्यकर्ताबीच झडप वडाध्यक्षसहित ३ जना प्रहरी घाइते

प्रतिनिधिसभा पुनःस्थापना हुन्छ भन्ने भ्रममा नपर्नुस् : प्रधानमन्त्री ओली

काठमाडौं भक्तपुरबाट २४ जना जुवाडे पक्राउ

ललितपुरको चाँगाथलीमा श्रीमान र श्रीमती घरभित्रै मृत अबस्थामा फेला

साझ र बिहान छक तार्न सडक छैउमा ब्यापार गर्नेहरुमाथि नगर प्रहरीको दमन