प्रकशित मिति : २० पुष २०७७, सोमबार १३:३५

 

(सागर थापा)
दाङ । जिल्ला प्रशासन कार्यालय दाङले विभिन्न धार्मिकस्थलमा लाग्ने माघे सङ्क्रान्ति (माघी) मेला यसपाली न लगाउन निर्देशन गरेको छ ।  माघे सङ्क्रान्तिमा जिल्लाका दुई प्रमुख धार्मिकस्थानमा ठूला ठूला (मेला) लाग्ने गर्छन् ।

घोराही १३ को बाह्रकुने दह र लमही ९ स्थित बगारबाबा धार्मिकस्थल रिहारमा हरेक वर्ष माघ १ गते मेला लाग्ने गर्छन् । यो वर्ष यी दुवै स्थानमा जनस्वास्थ्यको सुरक्षा कारण देखाएर मेला नलाग्ने भएको हो ।

जिल्ला प्रशासन कार्यालय दाङका प्रमुख जिल्ला अधिकारी जयनारायण आचार्यका अनुसार मेला नलाग्ने तर भौतिक दूरी र सुरक्षाको मापदण्डको पालना गरी दर्शन र पूजा भने गर्न सकिने र माघ १ गतेबाट मन्दिरहरुमा व्यापक सुरक्षाकर्मीहरु परिचालन गर्ने प्रमुख जिल्ला अधिकारी आचार्यले बताए ।

मन्दिरमा बिहान ६ देखि ११ बजेसम्म दैनिक पूजा भइरहेको छ । मन्दिरमा पूजाका लागि छिमेकी जिल्लाहरु बाट दैनिक करिब ३०० जना सम्म मान्छेहरु आउने गरेको मन्दिर ब्यबस्थापनले जनाएको छ !


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com