ABC (क्राईमबिट)
बाँके । राष्ट्रिय अनुसन्धान कार्यालय बाँकेमा सहायक सूचकको रुपमा कार्यरत एक जवानको हत्या भएपछि त्यसको कारण पत्ता लगाउन अनुसन्धान टोली घटनास्थल पुगेको छ।
स्थानिय नेकपा नेताका छोरा समेत रहेका २७ बर्षीय प्रविन थापा मगरको केहि दिन अघि हत्या भएको थियो। उनको नेपालगन्ज लग्दहवा स्थित तोरीबारीको खेतमा शव भेटिएको थियो।
अनुसन्धानका लागि बाँके प्रहरीले एसपी डीएसपी र इन्स्पेक्टरको कमाण्डमा दुईवटा अनुसन्धान टोली बनाएर फिल्डमा खटाएको हो।
प्रविनको हत्या व्यवसायीक, रिसिईवी वा आवेशपूर्ण के हो भन्ने बारे प्रहरीले अनुसन्धान अगाडि बढाएको हो। केहि शंकास्पद व्यक्तिलाई नियन्त्रणमा लिएर सोधपुछ भइरहेको बाँके प्रहरी प्रमुख एसपी ओम बहादुर रानाले जानकारी दिनुभएको छ ।
