सागर थापा दाङ
युनाइटेडको दर्ता प्रकृया नपुगेको र शान्ति निकेतनको गुठिको जग्गालाई प्रालिमा लैजान मिल्दैन–शिक्षा शाखा नारायण पौडेल

घोराही, १८ जेठ । घोराही उपमहानगरपालिकाको शिक्षा शाखा र घोराही उपमहानगरपालिकाको वडा नम्बर १५ को संयुक्त आयोजनामा नगर क्षेत्रको शिक्षा सुधारका लागि संयुक्त अनुगमन जारी राखिएको छ । नगर क्षेत्रको शैक्षिक सुधारका निमित्त शुक्रवार पनि केही सामुदायिक तथा निजि विद्यालय, मन्टेश्वरी विद्यालय र लेडिज होस्टेलको अनुगमन गरीएको हो । उपमहानगरको शिक्षा शाखा र वडा कार्यालय १५ को अगुवाईमा शिक्षक महासंघ, प्यावसन र विद्यार्थी
संगठनहरु र पत्रकारको सहभागितामा विद्यालयहरुको अनुगमनलाई उपमहानगरले जारी राखेको
हो ।

यसैक्रममा आज शुक्रवार घोराही उपमहानगरपालिका १५ मा रहेको विद्यालयहरुको अनगुमन
गरीएको छ । वडा नम्बर १५ मा रहेको पद्मोदय विद्यालय, युनाइ टेड मन्टेश्वरी, शान्ति निकेतन वोर्डिङ, वेस्ट मन्टेश्वरी , परी लेडीज होस्टेल अनुगमन भएको छ ।

अनुगमनका क्रममा केही विद्यालयहरुमा शिक्षकहरु अनुपस्थितीसँगै विद्यालय पोषक समेत नलगाएको
, निवेदन विना शिक्षक काजमा बस्ने गरेको र शैक्षिक योजना र शैक्षिक सामग्री विना शिक्षक कक्षामा प्रवेश गर्ने गरेको पाईएको घोराही उपमहानगरपालिकाका शिक्षा शाखा प्रमुख नारायण पौडेलले बताउनु भयो । उहाले अनुगमनकाक्रममा विद्यालय र त्यहा कार्यरत शिक्षकहरुलाई सचेत गराइएको र आगामि दिनमा ऐन, नियममा अटेर गरेर जथाभावि काम गरेर कानुन वमोजिम कारवाही गरीने चेतावानि दिनु भयो । अनुगमन टोलिका सदस्य घोराही उपमहानगरपालिका वडा नम्बर १५ का वडा अध्यक्ष रमेश पाण्डेले सामुदायिक विद्यालयमा निवेदन विनै काज विदा बस्ने र ड्रेस विना आउने शिक्षकहरुलाई नियम पद्धतिमा रहन आग्रह गर्दै पहिलोपटक सचेत गराईएको र फेरी अनुगमनमा आउदा ति कुराहरुमा सुधार नभएर कानुन वमोजिम कारवाही हुने भनेर विद्यालयलाई भनेको बताउनु भयो । उहाले घोराहीमा आफ्नो मनोमानिरुपमा मन्टेश्वरी विद्यालय खोल्नेक्रम बढ्दो अवस्थामा रहेको र ऐन नियम अनुसार मन्टेश्वरी विद्यालयहरु सञ्चालन नभएको पाईएको भन्दै घोराहीको काठेकोहल नजिकै वेस्ट मन्टेश्वरी दर्ता नभई सञ्चालनमा आएको पाईएपछि विद्यालयसंग भएका कागजातसहीत वडा कार्यालयमा उपस्थित हुन निर्देशन दिएको र कागजपत्र नभएर चलाएको पाईएमो विद्यालय बन्द गर्ने चेतावानिसमेत दिनु भयो । वडा अध्यक्ष पाण्डेले केही मन्टेश्वरीको अनुमतिको प्रकृया नै ठिक नभएको भन्दै फेरी अनुगमनमा आउदा ऐन नियमअनुसारका कागजात दुरुस्त राख्न भनिएको बताउनु भयो । त्यस्तै अनुगमन टोलिका सदस्य विद्यार्थि नेता सन्तोष पोख्रेलले घोराहीमा ऐन नियम अनुसार कुनै पनि मन्टेश्वरी सञ्चालनमा नआएको र त्यस्ता मन्टेश्वरीलाई कानुनि दायरामा ल्याउन विद्यार्थि संगठनकोतर्फवाट सहयोग गर्ने बताउनु भयो । विद्यार्थि नेता पोखरेलले केही गुठिमा चलिरेहेका निजि विद्यालयलाई आपसि चलखेलका माध्यमवाट प्रालिमा ल्याउने कानुन विरोधि काम भएको भन्दै शैक्षिक गुठि अनुसार विद्यालयको शुल्क निर्धारण हुनुपर्ने र गुठिवाट सञ्चालित विद्यालयको शैक्षिक अनुमति प्रालिमा लैजादा कानुन सम्मत नपाईएको पनि बताउनु भयो ।
अनुगमन टोलीले सामुदायिक शिक्षकहरुलाई अनिबार्यरुपमा ड्रेस लगाउन र निबेदन
दिएर स्विकृत भए मात्रै बिदामा बस्ने निर्देशन दिइएको छ । साथै निजी विद्यालयमा
अभिभाबकहरु समिति नै गठन नगरि शैक्षिक शुल्क लिएको भन्दै तत्काल शिक्षा
नियमावली अनुसार अघि बढ्न निर्देशन दिएको छ । त्यसैगरी, टोलीले विद्यालयमा
सरसफाईको उचित व्यवस्थापन गर्न र शिक्षण सिकाईलाई बालमैत्री बनाउन
निर्देशन दिएको छ । जस अनुसार घोराही १५ स्थित युनाइ टेड मन्टेश्वरीको शैक्षिक अनुमति प्रकृयागत नरहेको भन्दै तत्कालिन वडा कार्यालयमा उपस्थिती हुन निर्देशन दिइएको छ । त्यस्तै घोराही १५ कै शान्ति निकेतन माध्यमीक विद्यालयको कक्षा १ देखी ५ सम्मको शैक्षिक अनुमति शैक्षिक गुठिमा रहेकाले गुठिलाई प्रालिमा लैजान नसकिने भएका कारण गुठि अनुसार शुल्क लिन आग्रह गरीएको थियो ।

अनुगमनमा घोराही उपमहानगरको शिक्षा ईकाई प्रमुख नारायण पौडेल, शिक्षक महासंघका नगर अध्यक्ष निशान्त आचार्य, प्याब्सनका अध्यक्ष यादब गिरी, अखिल
क्रान्तिकारीका सन्तोष पोख्रेल, पत्रकार निशान दाजु भट्टराइको सहभागिता रहेको थियो ।

सम्बन्धित

पर्सागढी नगरपालिकाका मेयर उपमेयरको लागि एक लाखको र ५२ हजारको मोबाईल खरिद

दाङमा दशैको टीका दिनदेखि नै पेट्रोलको अभाब किन ?

लुम्बिनी प्रदेशका वन मन्त्री सुरेन्द्र बहादुर हमाल सोमबार गृह जिल्ला नेपालगन्ज आउँदै

सल्यानको बबई नदीमा नुहाउन गएका १ पुरुष डुवेर वेपत्ता

रुकुमको मुसिकोटमा स्थानीय युवाहरु र प्रहरी बीच झडप हुँदा ७ जना प्रहरी घाइते

दाङ प्रहरीले जुवा खेल्ने २० जना जुवाडेहरु पक्राउ