(महेन्द्र सिंह)
बाँके । कर्णाली प्रदेशका लागि पठाइएको कोरोना विरुद्धको खोप नेपालगन्ज आइपुगेको छ । स्वास्थ्य सेवा विभागले पठाएको उक्त खोप भोलि कर्णाली लगिनेछ । खरिद तथा आपूर्ति शाखा कर्णाली प्रदेशका खोप अधिकृत देवीराम पौडेलले कर्णालीका लागि नेपालगञ्ज आइपुगेको खोप भोलि त्यसतर्फ पठाइने बताउनुभयो । स्वास्थ्य सेवा विभागका खोप सुपरभाइजर कृष्ण सुवेदीको टोली लुम्बिनी प्रदेशका लागि ल्याइएको खोप बुटवलमा छोडेर कर्णाली र सुदूरपश्चिम प्रदेशका लागि चाहिने खोप बोकेर नेपालगञ्ज आइपुगेको थियो । कर्णालीको खोप नेपालगन्जमै छोडेर टोली त्यसपछि सुदुरपश्चिम गएको हो । लुम्बिनीको लागि ८ हजार ८ सय भाइल, कर्णालीका लागि २ हजार ६ सय र सुदूरपश्चिममा ३ हजार ६ सय भाइल खोप पठाइएको छ।
