(ABC क्राईमबिट)
बिराटनगर । प्रहरी चौकी डुम्राहाको नव निर्मित कार्यालय भवन, आवास गृह तथा भान्सा घरको उद्घाटन भएको छ ।

उक्त कार्यालयको प्राङगणमा आज बिहान भएको एक विशेष कार्यक्रमकाबीच कार्यक्रमका प्रमुख अतिथी एक नम्बर प्रदेश प्रहरी प्रमुख प्रहरी नायव महानिरीक्षक (डीआईजी) ईश्वर बाबु कार्कीले बिधिवत रुपमा समुद्घटान गरेका हुन् ।

प्रहरी चौकी डुम्राहाको २ तले सुबिधा सम्पन्न भवनसंयुक्त राष्ट्र संघ कार्यालय (युएनओपिएस) को सहयोगमा २ करोडको लागतमा निर्माण सम्पन्न भएको हो ।

भवन समुद्घटान समारोहलाई सम्बोधन गर्दै डीआईजी कार्कीले भवन आफैमा सबै चिज नभएको प्रस्ट पार्दै नयाँ भवन संगसंगै कार्यरत प्रहरी कर्मचारीहरुमा नयाँ सोच र धारणा आउनु पर्ने तथा रुपान्तरण हुनु पर्ने धारणा ब्यक्त गरे ।

साथै सोही कार्यक्रमको अवसरमा डीआईजी कार्कीले प्रहरी चौकीलाई निःशुल्क जग्गा उपलब्ध गराउनु हुने जग्गा दाता तथा भवन निर्माण कार्यमा उल्लेखनिय भुमिका निर्वाह गर्ने ब्यक्तित्वहरुलाई दोशल्ला ओढाएर तथा सम्मान पत्रले सम्मान गरेका थिए ।

उक्त कार्यक्रम युएनओपिएसका प्रतिनिधी, स्थानीय जनप्रतिनिधीहरु, सुरक्षा निकायका प्रमुख तथा प्रतिनिधीहरु, नागरीक समाजका प्रतिनिधीहरु, बिभिन्न महिला संजाल, संघ संस्थाका प्रमुख तथा प्रतिनिधीहरुका साथै स्थानियवासीहरुको उपस्थिति रहेको थियो । वरिष्ठ प्रहरी उपरीक्षक एसएसपी टेक बहादुर तामाङले जानकारी दिनुभएको छ ।

सम्बन्धित

बाघको त्रासमा मध्यवर्ती क्षेत्रका बासिन्दा जंगलमा घास दाउरा गर्न जन पनि डर

आईजिपी सिंहको निर्देशन अपराध अनुसन्धानमा संबेदनशिल भई पारदर्शी रुपमा काम गर्न

सहरी विकास मन्त्रालयमा गाभ्ने निर्णयको विरुद्धमा कर्मचारीद्वारा विरोध प्रदर्शन

सशस्त्र प्रहरी आईजिपी राजु अर्यालद्वारा बाहिनी र मातहत इकाईहरुको निरीक्षण

सुदूरपश्चिम ट्राफिक प्रहरीद्वारा साढे ५ करोडको राजस्व संंकल

दाङ प्रहरीले पुरुषहरूलाई माया जालमा पारेर पैसा असुल्ने महिलाहरुको गिरोह पक्राउ