(ABC संचार ब्युरो)
कैलाली । राजनीतिक सत्ता र शक्तिका आडमा स्थानीय तहमा सरकारी गाडीको चरम दुरूपयोग भएको पाइएको छ । गाउँ गाउँमा सिंहदरबारको नारासहित संघियताअनुरूप व्यवस्था गरिएको स्थानीय तहका जनप्रतिनिधिले सरकारी गाडीको चरम दुरूपयोग गरिरहेको पाइएको हो ।
स्थानीय जनताका विकासका अपेक्षा एवं उनीहरूका समस्या समाधानका लागि ‘घर घरमा सरकार’का रूपमा चित्रण गरिएका स्थानीय तहका पदाधिकारीले जनताको करबाट किनिएको महँगा गाडी आफू खुशी चलाउने गरेको पाइएको हो । यतिमात्र होइन उनीहरूले सरकारी सम्पत्ति आफ्ना नातागोतालाई रजाइँ गर्न दिने गरेको भेटिएको छ ।
सरकारी गाडी निजि वा व्यक्तिगत प्रयोजनका लागि कोही कसैले प्रयोग गर्न नपाउने एवम सरकारी कर्मचारीले समेत काम विशेष बीना शनिबार वा सार्वजनिक विदाको दिन चलाउन नपाइने यदी परेका खण्डमा जिल्ला प्रशासनको अनुमती लिनुपर्ने कानुनी व्यवस्था भएपनी यसको खिल्लि उडाइएको पाइएको छ ।
शनिबार धनगढीमा भएको प्रचण्ड–नेपाल समुहको कार्यक्रममा सरकारी गाडीमा पाटिका झन्डा हल्लाउँदै एक व्यक्तिले कैलालीको मोहन्याल गाउँपालिका १ का अध्यक्ष नवीन पुनले चलाउदै आएको ६६६ नम्बरको मोटरसाइकल लियर कार्यक्रममा सहभागी भएको पाइएको छ । स्थानीयका अनुसार उनी अध्यक्ष पुनको भतिजा नातापर्ने व्यक्ति हुुुन ।
सरकारी गाडी अफिस जान आउनको लागी दिईएको हो तर यहाँ वडा अध्यक्ष जन प्रतिनिधिहरु सरकारी गाडीको मनोमानी रुपमा प्रयोग गर्दै आएको सहजै देखन सकिन्छ । यस विषयमा बुझ्न खोज्दा वडा अध्यक्ष पुनले भने भतिजाले मोटरसाइकल चलाएको स्वीकार गरे । उनले आफूले पेट्रोल हाल्न भन्दै बौनिया बजारस्थित पेट्रोल पम्पमा पठाएको तर, पार्टीको झण्डा कसले झुण्डाएको भन्ने बारे जानकारी नभएको बताए । मैले भतिजालाई पेट्रोल हाल्न बौनिया पठाएको हो । उनले भने, कसले झण्डा लगेर मोटरसाइकल झुण्डायो भन्ने विषय मलाई थाहा भएन । उनले आफूसहित नेताकार्यकर्ता बसमा धनगढीको विरोध सभामा गएको बताए ।हिमाली टाइम्सबाट
