ABC क्राईमबिट
महोत्तरी । गौशाला नगरपालिका-५ रामनगर स्थित सशस्त्र प्रहरी बल, सुरक्षा बेस क्याम्पमा कार्यरत सशस्त्र प्रहरी बरिष्ठ हवल्दार श्रवण बस्नेत १५ हजार घुस रकमसहित पक्राउ परेका छन् ।
बस्नेतले घरायसी प्रयोगका लागि काठ दाउरा लैजान सहजीकरण गरिदिएबापत सेवाग्राहीसँ गघुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय बर्दिवासबाट खटिएको टोलीले सोमबार नियन्त्रणमा लिएको हो ।
अख्तियारका अनुसार बस्नेतलाई सेवाग्राहीसँग १५ हजार घुस रकम लिइसकेको अवस्थामा उक्त रकमसहित गौशाला नगरपालिकाको निगौल चोकबाट ना.१ झ ६८४ नं.को गाडीसहित नियन्त्रणमा लिई थप अनुसन्धान भइरहेको छ ।
