(सागर थापा ) दाङ । घोराही उपमहानगरपालिका वडा नम्बर ५ भैसापथ्रा घर भएका २३ वर्षिय देवेन्द्र ओली गत माघ १५ गते विहिबार विहानको समयमा हराएका हुन । घोराहीको रेडियो स्वर्गद्धारी एफ.एममा कार्यरत ओली राप्ती शिक्षा क्याम्पस घोराहीमा बि.एड पहिलो बर्षमा अध्ययन गर्दै आएका थिए ।
ओली माघ १५ गते विहिबार बिहान क्याम्पस पढ्न जान्छु भनी हिडेको र क्याम्पस पोसाक मै हराएको बुवा दोर्ण बहादुर ओलीले जानकारी दिनुभयो । ओली घोराही १४ नयाँबसपार्क स्थित दिदि–भिनाजुको घरमा बस्दै आउनुभएको थियो ।
जान सक्ने सम्भावित आफन्तहरुको घरमा समेत नभेटिएपछि खोजीदिनका लागि जिल्ला प्रहरी कार्यालय दाङमा निवेदन दिए पनि नभेटिएकाले कतै देखे वा भेट्टाएमा ९८०९७०९०६० मा सपर्क गरिदिन वा नजिकैको प्रहरी कार्यालयमा खबर गरिदिन भिनाजु नरेश खड्काले आग्रह गर्नुभएको छ । यता जिल्ला प्रहरी कार्यालय दाङका प्रहरी प्रमुख एसपी गणेश चंन्दले मोबाइलको अन्तिम लोकेशनमा देखिएको ठाँउमा जिल्ला प्रहरी कार्यालय दाङका मुद्दा शाखा प्रमुख प्रहरी निरीक्षक मोहनजंग बुध थापा सहितको प्रहरीले टोलीले ५ दिनदेखि व्यापक खोजीकार्य जारी राखेको छन । मोबाइलको कल डिटलहरु मगाएर तत्काल अनुसन्धान थाल्ने र नेपाल प्रहरीको तालिम प्राप्त कुकुर बाँके कोहलपुरबाट मगाएर भएपनि खोजतलास तिब्रता पार्ने दाङ प्रहरी प्रमुख एसपी चंन्दले जानकारी दिनुभएको छ ।
