ABC Sanchar
काठमाडौं । गोंगबुमा टाटासुमो तोडफोड गरिएको छ । नेपाल कम्युनिष्ट पार्टी (नेकपा)को प्रचण्ड–माधव समूहले आयोजना गरेको आमहड्ताल उल्लंघन गरेको भन्दै सुमो तोडफोड गरिएको हो ।

गोंगवु चोकबाट कपुरधारा जाने बाटोमा ना १ ज ८८५९ नम्बरको सुमो तोडफोड गरिएको महानगरीय प्रहरी कार्यालयका प्रवक्ता (एसपी) सुशिल सिंह राठौरले रातोपाटीलाई बताए । बन्द गराउने समूहले सुमोको सिसा फुटाएका छन् ।

यता, बिहीबार बिहानै काठमाडौँको गोंगबुमा एक ट्याक्सीमाथि आगजनी भएको छ । कुम्भ नारायण श्रेष्ठको प्रदेश ३–०१ ००२ ज ५८८१ नम्बरको ट्याक्सीमा आगजनी भएको हो । महानगरीय प्रहरी परिसर काठमाडौँका एसएसपी अशोक सिंहले दुई अज्ञात व्यक्तिले रोकिरहेको ट्याक्सीमा आगजनी गरेर भागेको जानकारी दिए ।

‘कालो ज्याकेट लगाएर आएका दुई जनाले ट्याक्सीमा आगजनी गरेर भागेका छन् । ट्याक्सीमा पूर्णरुपमा क्षति पुगेको छ,’ सिंहले भने, ‘दुई जनाको खोजी कार्य भइरहेको छ ।’रासस

सम्बन्धित

बालिकालाई भारत बेच्न लग्ने १ युवक वीरगञ्जबाट पक्राउ बालिकाको उद्धार

बाँकेका बरिष्ठ पत्रकार सेराज खानको ५४ औँ जन्मोत्सव कार्यक्रम सप्पन्न

राष्ट्रियसभा निर्वाचनको तयारी पुरा माघ १२ गते विहान ९ बजेदेखि मतदान हुने

दाङमा प्रहरीले लेनदेन मुद्दा र लागूऔषध मुद्दाका फरार प्रतिवादी २ जना पक्राउ

सशस्त्र प्रहरी बाँकेको कमान्ड एसपी बस्नेतले सम्हाले तस्करी नियन्त्रण गर्न निर्देशन

नेपाल प्रहरीमा थपिँदै ३ एआईजी दरबन्दी स्वीकृतसँगै बिहीबार मन्त्रिपरिषदमा पेस हुँदै