(महेन्द्र सिंह)
बाँके । चोरीको सामानसहित बाँकेको मनिकापुरबाट प्रहरीले एक जनालाई पक्राउ गरेको छ ।
इलाका प्रहरी कार्यालय कोहलपुरका प्रहरी प्रमुख डिएसपी रबिन्द्र खनालका अनुसार चलाएको स्वीप अपरेसन अभियान अन्तर्गत् चोरीको सामान लोड गरिएका ३ वटा अटोरिक्सा र एउटा साइकलसहित एक जनालाई पक्राउ गरिएको कोहलपुर प्रहरीले जनाएको छ ।
मनिकापुर क्षेत्रमा विगत लामो समयदेखि चोरी हुने गरेको स्थानीयको गुनासोपछि विशेष अनुसन्धान सुरु गरिएको थियो । प्रारम्भिक अनुसन्धानबाट चोरी कार्यमा धेरै जनाको संलग्नता रहेको हुन सक्ने आशंका गरेको प्रहरीले चोरीका सामान लोड गरिएको अवस्थामा तीन वटा अटो र एउटा साइकल बरामद गरेको हो ।
