(सागर थापा/महेन्द्र सिंह)
दाङ । जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाको निर्देशनमा ईलाका प्रहरी कार्यालय कोहलपुरले बेसाहरा मानवरहित सड्क अभियानलाई सार्थक बनाउन आफ्नो वडा एरिया अन्तरगत सड्कमा बेसाहरा अवस्थामा रहेका मानिसहरुको व्यबस्थापन तथा उद्धार गर्ने कार्यलाई प्राथमिकतामा राखी काम कारवाही गरि रहेको छ । सो क्रममा मंगलबार २७ गते बिहान राप्तिसोनारी गाऊपालिका वडा नं. ८ शम्शेरगंजबाट अन्दाजी १७ बर्षकी एक किशोरी र राप्तिसोनारी गा.पा. २ अगैयाबाट २३ बर्षका एक पुरुषको उद्धार गरी मानवरहित सड्क अभियानमा क्रियाशिल भई कार्य गरिरहेको तथा निजहरुलाई संस्थाको जिम्मा लगाउन तर्फ आवश्यक प्रबन्ध भइरहेको ईलाका प्रहरी कार्यालय कोहलपुरका प्रहरी प्रमुख डिएसपी रबिन्द्र खनालले जानकारी दिनुभएको छ ।
