१६ चैत्र २०८०, शुक्रबार
29-03-2024 , Fri
×

लागुऔषध ब्राउन सुगरसहित दाङका दुईजना जमुनाहमा पक्राउ

Logo
प्रकाशित बुधबार, माघ २८, २०७७


(महेन्द्र सिंह)
बाँके । ईलाका प्रहरी कार्यालय जमुनाहले लागुऔषध ब्राउन सुगरसहित दाङका दुई जनालाई पक्राउ गरेको छ । पक्राउ पर्नेमा
दाङ गढुवा गाउँपालिका ६ बस्ने बर्ष २२ आशिष पाण्डे र लमही नगरपालिका निवासी बर्ष ३० को दाम बहादुर पाण्डे रहेको ईलाका प्रहरी कार्यालय जमुनाहका प्रहरी प्रमुख विष्णु गिरीले जानकारी दिनुभएको छ ।

नेपालगन्जमा रहेको माछामण्डी नजिकैबाट पक्राउ गरिएको छ । पाण्डेको साथबाट साढे ५ ग्राम ब्राउन सुगर बरामद भएको छ । उनीहरु भारतबाट आउदै थिए । शंकास्पद गतिविधि देखिएपछि उनीहरुलाई चेकजाँच गर्दा बायाँ जुत्तामा लुकाएर ल्याएको अबस्थामा ब्राउन सुगर फेला परेको हो ।

नाकाबाट मानिसहरुको चहलपहल सुरु भएपछि लागुऔषध प्रयोगकर्ता तथा कारोवारीहरु पनि सक्रिय हुन थालेका छन् । नाकाबाट हुने अवैध तस्करी तथा आपराधिक घटना नियन्त्रणमा जमुनाह प्रहरीले पनि सक्रियता देखाउँदै आएको स्थानीयहरु बताउँछन् ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।