ABC Sanchar
काठमाडौं । सरकाद्वारा प्रतिबन्धित नेत्र विक्रम चन्द ‘विप्लव’ नेतृत्वको नेकपा सहित ४ पार्टीले वर्तमान संसदीय व्यवस्था विरुद्ध संघर्ष गर्ने भएका छन्।
सरकारले प्रतिनिधिसभा विघटन गरेसँगै हाल सत्तारुढ दल नेकपा भने दुई समूहमा विभाजित छ।
केपी शर्मा ओली नेतृत्वको नेकपाले सरकारी कदमको बचाउ गर्दै आएको छ। भने प्रचण्ड माधव समूहले ओलीको कदमलाई प्रतिगामी कदमको संज्ञा दिएको छ।
वर्तमान व्यवस्था (ओली र प्रचण्ड) समूहको राजेको व्यवस्थाबाट जनताका समस्या हल नहुने भन्दै विप्लव नेतृत्वको नेकपा, मोहन वैद्य नेतृत्वको नेकपा (क्रान्तिकारी माओवादी), आहुती नेतृत्वको बैज्ञानिक समाजवादी पार्टी र ऋषि कट्टेल नेतृत्वको नेकपाले संयुक्त मोर्चाबन्दी गरेका हुन।
सो मोर्चाबन्दीको भोलि शनिबार (माघ ३०) मा घोषणा गरिने छ।
रणनीतिक संयुक्त मोर्चाले शीर्ष नेतृत्वको उपस्थितिमा एक भव्य समारोहबीच आफ्नो रणनैतिक संयुक्त मोर्चा घोषणा एवं मोर्चाको अवधारणा पत्र, संरचना र संघर्षका कार्यक्रम सार्वजनिक गर्ने छ।
त्यसका लागि नेपाल प्रज्ञाप्रतिष्ठान, कमलादी, काठमाडौंमा बिहीबार मध्यान्ह १२:३० मा कार्यक्रमको आयोजना गरिएको छ।
