(महेन्द्र सिंह)
बाँके । जिल्ला प्रहरी कार्यालय बाँकेबाट खटिएको बिशेष प्रहरी टोलिले जिल्ला बाँके कोहलपुर नगरपालिका ४ निबुवा बस्ने बर्ष ३४ को जय बहादुर गिरी र ऐ.ऐ. बस्ने बर्ष ३३ की छायाँ गिरीलाई बहु बिवाह मुद्दामा सम्मानित जिल्ला अदालत बाँकेको मिति २०६८।०७।३० गतेको फेसलाले २ बर्ष कैद सजय भई फरार रहेका दुबै जनालाई पक्राउ गरी सम्मानित जिल्ला अदालत बाँकेमा बुझाईएको छ ।
हाल सम्म जिल्ला प्रहरी कार्यालय बाँके तथा मातहत प्रहरी कार्यालयबाट गरी जम्मा ५२९ जना फरार अभियुक्त पक्राउ परेका छन । यो अभियान निरन्तर चलिरहने बाँके प्रहरी प्रमुख एसपी ओम बहादुर रानाले जानकारी दिनुभएको छ ।
