(सागर थापा)
दाङ। जिल्ला प्रहरी कार्यालय दाङले ६ किलो १०० ग्राम लागू औषध अफिम सहित एक जनालाई पक्राउ गरेको छ । सोमबार दिउँसो २ बजे विशेष सुराकीका आधारमा मोहनजंग बुढाथापाको नेतृत्वमा गएको प्रहरी टोलीले संकास्पद रुपमा झोला बोकी हिडिरहेको अवस्थामा रोल्पा थवाङ गाउँपालिका वडा नं. ५ का ३८ बर्षीय प्रकाश घर्तीलाई पक्राउ गरेको हो ।
साथै प्रहरीले घर्तीको साथबाट ८ वटा साना ठुला पोकामा रहेको ६ किलो १०० ग्राम लागु औषध अफिम जस्तो देखिने (कालो गिलो) पदार्थ, सामसुङ मोवाईल एक थान, प्रकाश घर्ती लेखेको आईडी कार्ड र मतदाता परिचयपत्र २ थान बरामद गरेको छ । साथै अबैध वन पैदावार ओसार पसारमा संग्नल एक प्रतिवादी पक्राउ गरी दाङ प्रहरीले सार्वजनिक गरेको छ । अबैध वन पैदावार ओसार पसार मुद्दामा फरार प्रतिवादी घोराही उपमहानगरपालिका वडा नम्वर ४ लक्ष्मीपुरका ३० वर्षिय विशाल विकलाई ६ वर्षपछि जिल्ला प्रहरी कार्यालय दाङले पक्राउ गरेर सार्वजनिक गरेको छ ।
दाङ देउखुरी जिल्ला अदालत घोराहीले २०७१ असार १२ मा गरेको फैसला अनुसार १४ दिन कैद र २९ हजार ४ सय रुपैया जरीवाना ठहर भई फरार रहेका विकलाई सोमबार प्रक्राउ गरिएको जिल्ला प्रहरी कार्यलय दाङका प्रहरी प्रमुख एसपी गणेश चन्दले जानकारी दिनुभयो ।
पक्राउ गरिएका विकलाई दाङ देउखुरी जिल्ला अदालतमा पठाउने तयारी भैरहेको प्रहरीले जनाएको छ । यस्तै चालु आर्थिक वर्ष २०७७÷७८ को हालसम्म विभिन्न मुद्धामा फरार रहेका ४८ जना प्रतिवादीलाई प्रक्राउ गरी अदालतमा बुझाएको एसपी चंन्दले जानकारी दिनुभयो ।
