(ABC क्राईमबिट)
कपिलवस्तु। शुक्रबार राति भान्जीलाई घर पुर्याउन मोटरसाइकलमा राखेर जाँदै गर्दा बाटोमा चर्पी गर्न भन्दै रोकेर मामाले बलात्कार गरेका हुन् ।

१६ बर्षकी भान्जी (पीडित किशोरी) कपीलवस्तुको विजयनगर गाउँपालिकाको लोहरौला गाउँमा लागेको मेला तथा सांस्कृतिक कार्यक्रम हेर्न पुगेकी थिइन् । सोही कार्यक्रममा बसेर साँझ भएपछि जेठा मामाले कान्छा भाईलाई घर पुर्याउन लगाएका थिए ।

प्रहरीका अनुसार घरबाट दीदीले आफ्ना भाइलाई छोरीलाई घर पुर्याइ दिन आग्रह गरेकी थिइन् । र, जेठा भाईले कान्छो भाइलाई भान्जीलाई घर पुर्याइदिन आग्रह गरेका थिए । कान्छा मामासँग बाइकमा घर गएकी भान्जीले मामाबाटै बलात्कार भएको भन्दै प्रहरीमा उजुरी दिएको जिल्ला प्रहरी कार्यालय कपीलवस्तुले जनाएको छ ।

प्रहरीले आइतबार नै मुद्धा परेको र पीडक मामालाई नियन्त्रणमा लिइसकेको जनाएको छ । पीडित भान्जीले दिएको बयानमा ट्याक्टरले सडक बिगारेका कारण बाटो बिग्रीएको भन्दै अर्कै बाटो लगेर खोला किनारमा पुर्याई राति बलात्कार गरेको बताएकी छन् ।

चर्पी गर्ने भन्दै मामाले बाइक रोकेको पनि पीडित किशोरीले बताएकी छन् । पक्राउ परेका मामाको सम्बन्धमा थप अनुशन्धान गरी कारवाही अघि बढाइने कपिलवस्तु प्रहरीले जनाएको छ ।

सम्बन्धित

नेपालमा पेट्रोल र डिजेलको अभाव पछी विद्युतीय सवारी साधनमा बढ्दै

सशस्त्र प्रहरीको १०३ जना निरीक्षकहरुको आपतकालीन तालिम सञ्चालन

नेपाल प्रहरी श्रीमती संघको ३८औं वार्षिकोत्सवको अवसरमा रक्तदान

रोजगारीको इजरायलले १ हजार नेपाली कामदारहरु लैजाने

बर्दिया राष्ट्रिय निकुञ्जमा जंगली जनावरको शिकार गर्ने १ जना पक्राउ

चलचित्र बिकास बोर्डको अध्यक्ष भुवन केसी विरुद्धको रिटमा आज सुनुवाइ हुँदै