(सागर थापा)
दाङ । परीक्षामा नम्बर कम ल्याएको भन्दै कक्षा कोठाभित्र विद्यार्थीलाई कुटपिट गर्ने राजपुर गाउँपालिका-७ स्थित माध्यमिक विद्यालय सिक्टाका शिक्षक हेमराज बिकलाई प्रहरीले नियन्त्रणमा लिएको छ । बिकलाई पक्राउ गरेर बालबालिका ऐन अन्तर्गत मुद्दा दर्ता गरिएको जिल्ला प्रहरि कार्यालय दाङका प्रहरी प्रमुख एसपी गणेश चंन्दले बताए ।
‘विद्यार्थीका अभिभावकको किटानी जाहेरीका आधारमा पक्राउ गरेका हौँ’ उनले भने,अदालतबाट म्याद थप गरेर अनुसन्धान भइरहेको छ ।’
करिब दुई हप्ता अघि शिक्षक बिकले गणित विषयमा शून्य नम्बर ल्याएको भन्दै विद्यार्थीलाई पाइपले कुटेको भिडियो सार्वजनिक भएको थियो । शिक्षक बिकले विद्यार्थी कुट्नु गल्ती रहेको प्रहरिलाई सबिती बयान दिदै घटना बारे स्वीकार गरेका छन् । बिक अहिले जिल्ला प्रहरी कार्यालय दाङको हिरासतमा रहेकोे एसपी चंन्दले जानकारी दिए ।
