(महेन्द्र सिंह)
बाँके । नेपालगञ्ज र कोहलपुरमा रहेका पुनःस्थापना केन्द्रहरुमा बसिरहेकाहरुको सहभागिता रहेको प्रतियोगिता भोलिसम्म चल्नेछ । बाँके जिल्ला व्याडमिन्टन संघले आयोजना गरेको प्रतियोगितामा १५ टिमको सहभागिता रहेको छ ।
जिल्ला प्रहरी कार्यालय बाँके र सामुदायिक प्रहरी सेवा केन्द्रको समन्वयमा भइरहेको प्रतियोगिताको उद्घाटनमा बाँकेका प्रहरी प्रमुख एसपी ओम बहादुर राना, सामुदायिक प्रहरी सेवा केन्द्रका अध्यक्ष दिपेन्द्र कुमार जोशी, बाँके जिल्ला व्याडमिन्टन संघका अध्यक्ष सञ्जय थापा लगायतले बोल्नुभएको थियो ।
बक्ताहरुले लागूऔषधको दुब्र्यसनीमा फसेकालाई सही मार्गमा ल्याउने माध्यम खेलकुद भएको बताउँदै पुनःस्थापना केन्द्रमा रहेकाहरुलाई खेलकुदका माध्यमबाट सकारात्मक, सबल र जागरुक बनाउन प्रतियोगिता सफल हुने विश्वास व्यक्त गरेका थिए ।
