ABC (क्राईमबिट)
काठमाडौं । प्रहरीले शुक्रबार साँझ ललितपुर सुनाकोठीस्थित अजय महर्जनको घरमा जुवा खेलिरहेका ३० लाख रुपैयाँसहित १७ जना जुवाडेलाई पक्राउ गरेको छ।
ललितपुर प्रहरी परिसरका अनुसार, पक्राउ पर्नेमा रामबहादुर लामा, प्रकाश भण्डारी, लवकुमार बस्नेत, राकेश महर्जन, दिनेश पुडासैनी, हिटलर श्रेष्ठ, अनिल महर्जन, श्रीकृष्ण खड्का, तुलसीराम महर्जन, सानुकान्छा महर्जन, पूर्ण श्रेष्ठ, विनोदप्रसाद घिमिरे, पूर्णमान माली, सानुकान्छा बस्नेत, राम खत्री, विनोद महर्जन र चिरिकाजी महर्जन रहेका छन्। उनीहरू सबै ललितपुरका हुन्।
प्रहरी निरीक्षकसहितको टोलीले महर्जनको घरको दोस्रो तलामा जुवा खेलिरहेका १७ जना जुवाडेलाई ३० लाख ८४ हजार ४ सय रुपैयाँसहित पक्राउ गरेको ललितपुर प्रहरी परिसर प्रमुख एसएसपी किरण बज्राचार्य जानकारी दिइन । उनीहरूको साथबाट प्रहरीले १९ बुक तास, १६ थान कौडा, तास खेल्दा प्रयोग हुने क्यारेमको गोटी पांच थान र सिमीको दाना एकसय ५० थान बरामद गरेको छ। उनीहरूबिरुद्ध प्रहरीले जुवा ऐन अन्तर्गत कारबाही अघि बढाएको एसएसपी बज्राचार्यले जानकारी दिए ।
