प्युठान ,२४ जेठ । झिमरुक गाउँपालिकाको चार नम्वर वडा कार्यालयले वडाका जेष्ठ नागरिकलाई सम्मान गरेको छ । वडा कार्यालय बांगेफेदीमा आज एक कार्यक्रमको आयोजना गरि ८० वर्ष उमेर माथीका जेष्ठ नागरिकलाई सम्मान गरिएको हो ।
जेष्ठ नागरिक सम्मानका लागि चालु आर्थिक वर्षको लक्षित वर्ग कार्यक्रम अन्र्तगत ५० हजार रुपिँया विनियोजन गरिएको वडा कार्यालयले जनाएको छ । ८० वर्षमाथीका जेष्ठ ३० जनालाई दोसल्ला र पौष्टिक आहार प्रदान गएिको थियो ।
वडा अध्यक्ष सिताराम पोख्रेलको अध्यक्षतामा भएको कार्यक्रममा गाउँपालिका उपाध्यक्ष पवित्रा जिसीले पछिल्लो समय जेष्ठ नागरिकलाई परिवारबाटै हेला गर्ने समस्या देखिएकोले सम्मान कार्यक्रम राखिएको बताउनुभयो । उहााले जेष्ठ नागरिकलाई अपनत्व महशुस गराउन, हेला गर्ने प्रवृत्तिको अन्त्य गर्न यो कार्यक्रमले सन्देश दिने बताउनुभयो ।
विशेष अतिथी प्रमुख प्रशासकीय अधिकृत तारा किरण केसीले लक्षित वर्गको कार्यक्रम अन्र्तगत जेष्ठ नागरिकलाई सम्मान गर्ने कार्यक्रम महत्वपुर्ण कार्यक्रम भएको बताउनुभयो । उहाँले आगामी वर्ष यस कार्यक्रमलाई थप बजेट व्यवस्था गर्दै निरन्तरता दिने समेत बताउनुभयो ।
कार्यक्रममा स्वागत मन्तव्य प्राविधिक बासुदेव गिरीले राख्नुभएको थियो । सम्मान कार्यक्रममा सहभागी जेष्ठ नागरिक खुशी भएका छन् ।

सम्बन्धित

पुर्व मन्त्री दिपक गिरीलाई दाङमा भब्य स्वागत

पुर्व प्रधानमन्त्री झलनाथ खनालको उपचार खर्च सरकारले दूतावास मार्फत दिने

राष्ट्रपतिलाई महाअभियोग लगाएर देखाउन महेश बस्नेतको चुनौती

बर्दियामा नुहाउन गएका ३ जना बेपत्ता खोजतलास जारी

काठमाडौं बल्खुमा ट्राफिकको नयाँ भवनको शिलान्यास गर्दै ट्राफिक प्रमुख :भट्टराई

ब्राउन सुगर सहित सलमान खान, पक्राउ