शान्ति सुरक्षा कायम गर्न प्रतिवद्ध छु इप्रका कोहलपुर डिएसपी: खनाल

(सागर थापा)
बाँके । कोहलपुरमा केही महिना अघि मात्रै कार्यभार सम्हालेका बाँके कोहलपुरका प्रहरी प्रमुख डिएसपी रबिन्द्र खनालले शान्ति सुरक्षा कायम गर्न आफू प्रतिवद्ध भएको बताएका छन् ।
ईलाका प्रहरी कार्यालय कोहलपुर बाँकेमा एबिसी संचार र खबर 24 नेपालसँग कुराकानी गर्दै डिएसपी खनालले नेपाल सरकार र विद्यमान ऐन कानुनले दिएको जिम्मेवारी आफ्नो बलबुताले भ्याएसम्म पूरा गर्दै आफ्नो क्षेत्रमा शान्ति सुरक्षा कायम राख्ने बताएका हुन् । केही महिना भो बाँकेको कोहलपुर आएर कार्यभार सम्हालेको छु, मैले यस्तो गर्छु, उस्तो गर्छु भनेर भन्दिनँ डिएसपी खनालले भने काम गरेर देखाउने हो मैले सकेसम्म राम्रो गर्ने प्रयास गर्नेछु । समाजमा नकारात्मक सोच हावी हुँदै गएकाले यसको समाधान गर्नुपर्नेमा खनालले जोड दिए । ‘समाज नकारात्मकतातर्फ उन्मुख हुँदैछ भने यो डरलाग्दो रोग हो, यसलाई सुधार गर्नु आजको प्रमुख चुनौती हो । प्रविधिमैत्री प्रहरी आजको आवश्यकता भएको डिएसपी खनालले बताएका छन् । कोहलपुरको मुख्य शहरी क्षेत्रमा राखिएका अधिकांश सिसी क्यामेरा बिग्रिएका भन्दै तिनीहरुको मर्मतसम्भार हुनुपर्नेमा जोड दिए । ‘सिसी क्यामेराले अपराध अनुसन्धानमा सघाउँछ, तर अधिकांश सिसी क्यामेरा बिग्रिएको अवस्थामा रहेका छन्’ अधिकारीले भने, अपराध नियन्त्रणमा सिसी क्यामेरा प्रयोग हुनेगरी काम अगाडि बढाउनुपर्छ ।