बाँके प्रहरीले १० किलो हात्तीको दाँतसहित एकजना पक्राउ

(महेन्द्र सिंह) बाँके प्रहरीले विशेष सूचनाका आधारमा बैजनाथ गाउँपालिका वडा नं. २, तिलकपुर बस्ने पूर्णबहादुर थारुलाई दश किलो हात्तीको दाँतसहित एकजना पक्राउ गरेको छ ।
थारुले घर पछाडी रहेको शौचालयको सेफ्टी ट्यांकीछेउमा निलो प्लाष्टिकमा लपेटी सेतो बोराभित्र २९ इन्च लम्बई, दश किलो तौल भएको हात्तीको दाँत राखेका थिए । थारुलाई आवश्यक कारबाहीका लागि डिभिजन वन कार्यालय बाँकेमा पठाइएको बाँके प्रहरी प्रमुख एसपी ओम बहादुर रानाले जानकारी दिनुभएको छ ।