(महेन्द्र सिंह)
बाँके । नेपालगञ्ज एयरपोर्टमा विमान दुर्घटनाको कृत्रिम घटना अभ्यास जारी रहेको छ।
विमान दुर्घटना भइहालेमा गर्ने कार्यहरुकोबारेमा कृत्रिम घटना अभ्यास गरिएको हो । विमानस्थलमा विमान दुर्घटना हुन्छ । तत्काल दमकल पुगेर आगो निभाउँछ । सुरक्षाकर्मीहरु गएर घाइतेहरुको उद्धार गर्छन् । एम्बुलेन्समा हालेर अस्पताल पठाउँछन् । विमानस्थल परिसरमै शुक्रबार यस्तो कृत्रिम घटना अभ्यास गरिएको थियो ।
नेपालगञ्ज एयरपोर्टका कार्यालय प्रमुख प्रेमनाथ ठाकुरले यस्ता घटना अभ्यास गरिरहनु पर्ने बताउनुभयो । घटना भइहालेमा कसरी छिटो त्यसको व्यवस्थापन गर्ने भनेर जानकारी दिनका लागि अभ्यास जरुरी रहने गर्दछ ।
कृत्रिम घटना अभ्यास हुँदा आर्मीका जर्नेल हरेन्द्र पाठक, प्रमुख जिल्ला अधिकारी रामबहादुर कुरुम्बाङ, भैरवप्रसाद गणका गणपति नकुल थापा, नेपाल प्रहरी एसपी ओमबहादुर राना, सशस्त्र एसपी अशोक बम, नरेन्द्र गिरीलगायतको उपस्थिति रहेको नेपालगञ्ज एयरपोर्टका कार्यालय ठाकुरले जानकारी दिए ।
