(सागर थापा दाङ)
अपराध महाशाखाले भन्यो– नक्कलि राष्ट्रिय अनुसन्धान अधिकृत बनेर १७ लाख ५० हजार ठगि गरेपछि पक्राउ गरीयो’
घोराही, जेठ २४ । प्रहरीमा जागिर लगाइदिने भनेर विभिन्न प्रलोभन देखाएर ठगि गर्ने एक जनालाई काठमान्डौवाट प्रहरीले पक्राउ गरेको छ । नक्कलि कागजात देखाएर राष्ट्रिय अनुसन्धान विभागको अधिकृत बताउने संखुवासभा पाँचखपन नगरपालिका ७ घइ भइ हाल काठमान्डौको बुढानिलकण्ड भंगाल बस्दै आएका टंकबहादुर खड्कालाई प्रहरीले नियन्त्रणमा लिएको हो ।
महानगरीय अपराध महाशाखाको टोलीले काठमाडौंको बुढानिलकण्ठबाट ठगि आरोप लागेका खड्कालाई पक्राउ गरेको एसएसपी धिरजप्रताप सिंहले बताए ।आफु राष्ट्रिय अनुसन्धान विभागको अधिकृत हुँ भनी परिचय पत्र देखाई पिडित काठमाण्डौ चन्द्रागिरी न.पा १२ गुर्जुधारा बस्ने नरेन्द्र श्रेष्ठको श्रीमति पुष्पा कुमारी श्रेष्ठलाई गोदाम तथा पारवहनमा र निजको जेठान हरिबहादुर श्रेष्ठलाई राष्ट्रिय अनुसन्धान विभागको सहायक अनुसन्धान सुचक पदमा सिफारिस गरेको नक्कली कागजात, आयश्रोतको सिफारिस पत्र लगायतका सरकारी कागजातहरु बनाई विश्वासमा पारी १७ लाख ५० हजार लिई ठगी गरेकोले खड्कालाई पक्राउ गरी आवश्यक अनुसन्धान तथा कारवाहीको लागि महानगरीय प्रहरी परिसर काठमाण्डौमा पठाईएको सिँहले बताए ।सिँहका अनुसार मुलुकी ऐन ठगी महल अनुसार ठगी गर्ने व्यक्तिलाई कसुरको मात्रा हेरी ५ वर्षसम्म कैद र विगो भराई विगो बमोजिम जरिवाना हुने व्यवस्था रहेको छ भने साथै मुलुकी ऐन किर्ते कागजको १२ नं। बमोजिम सरकारी अड्डाको छाप वा सरकारी काममा सरकारी कर्मचारीको दस्तखत वा सो छाप दस्तखत भएको सरकारी कागज किर्ते गर्नेलाई १ वर्षसम्म कैद सजाय हुने प्रावधान रहेको छ ।
