(सागर थापा)
कपिलवस्तु । जिल्ला प्रशासन कार्यालय कपिलवस्तुका प्रमुख जिल्ला अधिकारी दीर्घनारायण पौडेलले जिल्ला प्रहरी कार्यालय कपिलवस्तुका प्रहरी प्रमुख एसपी नवराज अधिकारीलाई कपिलवस्तु जिल्लाको शान्ति सुरक्षा, अपराध अनुसन्धान तथा नियन्त्रण लगायतका सम्पूर्ण जिम्मेवारीहरु उच्च मनोवलका साथ सम्पन्न गरेको भन्दै सम्मान गरेको छ ।
प्रमुख जिल्ला अधिकारी पौडलेले एसपी अधिकारीले गरेका कार्यहरुको उच्च मूल्याङ्कन गरी प्रशंसा पत्र प्रदान गरिएको उल्लेख गरेका छन् ।
कपिलवस्तु जिल्लामा प्रहरी प्रमुखको रुपमा एसपी अधिकारीले लागूऔषधको संगठित कारोबार, अवैध सुन तस्करी तथा हुण्डी कारोबार, भन्सार छली सहित महत्वपूर्ण अपराधको सफल अनुसन्धान गर्दै आएका छन् ।